امي يا اول حب عشته في دنياي

طبعا هذه القصيدة معروفه وغناها
الفنان راشد الماجد



أمي يا أول حب عشته بدنياي

يا أول اسم تنطق شفاي طاريه

انتي هوى روحي وبعروقي الماي

وعمري بدونك عمر ما عشت أنا فيه


يا ما لقيتك في شتا وقتي دفاي

حضنك يدفيني بحنانه وأدفيه

وياما مسكتي في أعنى الوقت يمناي

خوف علي من الزمان وبلاويه


انتي نظر عيني وبسمة شفاياي

وانتي هوى قلبي وحبه وغاليه

وانتي الجميل اللي تعدى عطاياي

لو عشت كل العمر ما اقدر اوفيه


تدعين ربك لي يسدد لي خطاي

وارفع انا كفي لله وادعيه

يا ربي تمنحني رضاها بدنياي

وان ما رضت عني ترى العمر مابيه




اهداء من أحلى الذكريات الى الغالية والحبيبة
امــــــــــــــــــــــــــي
الله يطول بعمرها